حکیم الامت حضرت مولانا اشرف علی تھانوی رحمۃ اللہ علیہ نے فرمایا،
ہمارے نزدیک حقیقت تصوف صرف علم با عمل ہے۔اور عمل وہی جو رسول اللہ صلی اللہ علیہ وسلم نے تعلیم فرمایا ہے اور جو سالک کے اختیار میں ہے۔اس کے علاوہ سب چیزیں زائد ہیں اگر عطا ہو جائیں اور شیخ ان کو بتلا دے تو نعمت ہے اور قابل شکر اور عطا نہ ہوں یا عطا ہو کر زائل ہو جائیں تو ان کی تحصیل کی فکر یا ان کے زوال پر قلق طریق میں ناجائز اور باطن کے لئے سخت مضر ہے خواہ کچھ ہی ہو
بصائرحکیم الامت رح، ص 56

حکیم الامت حضرت مولانا اشرف علی تھانوی رحمۃ اللہ نے فرمای

نسبت کے لغوی معنی تعلق اور لگاؤ کے ہیں، اور

اصطلاحی معنی میں بندہ کا حق تعالی سے خاص قسم کا تعلق یعنی قبول و رضا کا، جیسا عاشق مطیع اور وفادار معشوق میں ہوتا ہے۔

جب ذکر اللہ کی مواظبت اور ریاضت و مجاہدات کی کثرت سے ظلمت نفسانیہ و کدورات طبعیہ کا ازالہ ہو جاتا ہے تو قلب و روح کو حق تعالی کے ساتھ ایک خاص تعلق پیدا ہو جاتا ہے، اس کو نسبت سے تعبیر کرتے ہیں۔

نسبت تعلق طرفین کا نام ہے۔

یک طرفہ تعلق کو نسبت نہیں کہا کرتے۔

پس بہت سے لوگ ایسے ہیں کہ ان کو خدا تعالی کے ساتھ محض یاد کا تعلق ہوتا ہے اور یہ تعلق یک طرفہ ہے۔

تعلق دو طرفہ عمل و اطاعت سے ہوتا ہے۔ جب انسان عمل و اطاعت کا اہتمام کرتا ہے اسوقت حق تعالی کو بھی اس سے تعلق ہو جاتا ہے۔

اور اس کا القاء ایک دم نہیں ہوتا بلکہ رفتہ رفتہ ہوتا ہے کہ دیکھنے والوں کو پتہ بھی نہیں چلتا۔

البتہ اس کی ظاہری علامت یہ ہے کہ حضور اکرم صلی اللہ علیہ و سلم کے ساتھ تمام افعال، اقوال، و حرکات میں زیادہ تشبہ ہو۔

ہر بات میں حضور اکرم صلی اللہ علیہ و سلم کی اتباع کی کوشش کی جاۓ اور یہ اتباع عادت ہو جاۓ کہ بے تکلف سنّت کے موافق افعال صادر ہونے لگیں۔

شریعت و طریقت ص 369 بحوالہ مسائل السلوک ص 503

مسیح القلوب حضرت مولانا مسیح اللہ خان صاحب رحمۃ اللہ علیہ نے فرمایا

“اس طریق میں، اللہ کے راستے میں کوئی پوچھے کہ

کیا حاصل کیا؟ کتنا حاصل کیا؟

(تو کیا جواب دو گے. پھر خود ہی فرمایا)

حاصل کرنا اس طریق میں اپنے آپ کو مٹانا ہے۔

بڑے والہانا انداز میں فرمایا

“اجی! مٹانا کیا ہے؟

پانا ہے۔

اور

پاناکیا ہے؟

مٹانا ہے۔ “

اصلاح افروز بیانات ص 57

حضرت حکیم الامت مولانا اشرف علی تھانوی قدس سرہ نے فرمایا:

خلیفہ ارشاد گو پیر بھائی ہو لیکن جب وہ بانابت شیخ افاضہ کرے تو اس کو مخدوم سمجھنا چاہیے۔ مساوات کا دعوی اورحسد موجب حرمان ہے۔”

عرفان حافظ: التکشف ص91